epal things.

since i was a child, meron na akong mga laruan na hindi pangkaraniwan sa ibang bata. hindi mga robot, mga manika, ni kahit nga sasakyan or kung ano mang mga laruan na maituturing ang hindi ko nilalaro.

ang mga laruan ko? mga maliliit na piraso mula sa mga buong mga laruan. mga ibang gamit tulad ng shampoo, mga key chain, basta kahit anong maliit, manipis o kaya naman kahit anong piraso na galing sa isang bagay, instant laruan ko na siya.

sobrang weird ko nun, kasi naman, maliban sa pagiging laruan ko, eh parang mga paraphernalia ko na rin sila tuwing lumalabas ako ng bahay. kahit hindi ko naman lalaruin (dahil alam ko magmumukha akong weird) ay dinadala ko pa rin tong mga to. hanggang sa malaman ng mga kaibigan ko na may mga ganito akong dala sa isang maliit na pouch, na minsan ay nilagay ko na rin sa isang pokeball. oo, meron akong pokeball noon. haha.

mukha mang weird, pero mukha naman silang natuwa sa mga "laruan" kong iyon, tapos, tinawag nilang "epal things." epal dahil hindi ko naman nilalaro, wala namang sense kung bakit ko sila dinadala, at things, dahil bagay sila. mga kakaibang bagay.

ngayon, sobrang mulat na ang aking mga mata sa mga ka-weird-ohan ko ng bata ako. at kahit na ganon, meron parin akong mga epal things. hindi ko na nga lang nilalaro.

hindi ko alam kung matatawag ko ba itong koleksyon, pero sa ngayon, kinokolekta ko lang ang mga bagay na cute sa aking panigin. yung mga tipong, once in a life time ko lang makikita. joke, pero pumupulot pa rin ako ng mga ganung bagay. at natutuwa rin naman ako. naging mga lucky charms ko na sila eh. dala ko ba naman palagi eh.

tsaka, naging parte na siguro ng "psyche" ko ang pumulot ng mga maliliit na bagay. just a proof na mahilig talaga ako sa cute. lol.

hanggang sa muli, masugid na mambabasa. :)