a rant.

-medyo personalan ito. kaya naman, wala lang. haha!

"puyat na naman ako. pagkatapos ng isang linggong hindi pagpupuyat, at isang araw na buong oras akong tulog. ito na naman ako, mulat pa rin ang mata, nakatutok sa harap ng computer, at nag-iisip ng mga gusto at kailangang gawin.

nakakatawa lang kanina, nag-aaral kasi ako, kasabay kong magpuyat yung kapatid kong umiinom ng gran matador..sa hindi ko malamang dahilan, nagkwentuhan kami. pinag-usapan namin yung course ko, AB Asian Studies. Dapat nga raw, nag-HRM na lang ako. sabi ko, magkaiba naman yun eh. natunganga na lang siya, naglaro ng poker sa computer. habang ako naman, nag-aaral ng exams ko mamaya.

ngayon lang ulit ako hindi natulog, medyo bumabagsak na nga yung mata ko sa antok. literal, lalaki na naman ang eyebags ko, mahihilo ako mamaya, at maloloka sa pagsagot. haay.

minsan, hindi ko kinakaya ang mga ginagawa ko ngayon.

una, hindi ko na kayang mag-aral. seryoso. pinipilit ko na nga lang ata sarili kong mag-aral, para lang maipakita ko kung ano ang meron ako. yun lang. hindi na ako nag-aaral dahil gusto ko. nag-aaral na lang ako dahil kailangan. hindi na ako nag-aaral para sa sarili ko.

pangalawa, mahirap pala maging miyembro ng kahit anong grupo. kailangan commited ka sa lahat ng kailangan gawin, lahat gagawin mo para lang ma-satisfy mo yung gusto ng ibang taong nakakakita sayo. eh pano kung hindi ko talaga kaya? hanggang dun lang yung kaya ko? sana hindi na lang nila ako tinaggap diba?

pangatlo, mahirap magkaroon ng kaibigan. hindi ko nga alam kung bakit ba nauso yun. pero, kailangan naman kasi natin ng kaibigan, kung wala tayong ka-ibigan. pero, minsan kasi, mahirap din silang pakisamahan. ikaw pa ang lalabas na masama, kahit na wala ka ng ginagawa sa kanila. buti nga yun diba, wala na akong sinasabi, umo-oo na lang ako sa lahat ng gusto nila, pero ako pa rin ang masama. ako pa rin. ako..

minsan, iniisip ko na lang matatapos din ang araw. kaso, palaging nangyayari, araw-araw.

mahirap, gusto ko ng umiyak sa sobrang pagod at hirap dahil ayoko na. ayoko na talaga.

siguro, kailangan lang mag-summer..

gusto ko ng matulog ng mahimbing. gusto ko ng matulog ng komportable..

gusto ko nang lumaya.."

hanggang sa muli, masugid na mambabasa.